शरद पवार यांच्या जीवाला धोका, ‘तुझा लवकरच दाभोळकर होणार…’, कुणाची धमकी?

मुंबई : राष्ट्रवादीचे अध्यक्ष शरद पवार यांना जीवे मारण्याची धमकी देण्यात आल्याचे समोर आले आहे. ट्विटरवरून अज्ञात व्यक्तीने शरद पवार यांना जीवे मारण्याची ही धमकी दिली आहे. त्यामुळे एकच खळबळ उडाली आहे. या प्रकरणानंतर राष्ट्रवादी काँग्रेसच्या खासदार सुप्रिया सुळे यांनी या प्रकरणाची तातडीने गंभीर दखल घेतली आहे. सुप्रिया सुळे याप्रकरणाच्या पार्श्वभूमीवर पोलीस आयुक्तांना भेटण्यासाठी रवाना झाल्या आहेत. दरम्यान, सौरभ पिंपळकर या नावाच्या ट्वीटर हँडलवरून शरद पवार यांना ही जीवे मारण्याची धमकी देण्यात आली आहे. राजकारण महाराष्ट्राचे या फेसबुक पेजवरून शरद पवार यांना जीवे मारण्याची धमकी देण्यात आली आहे. त्यावर नर्मदाबाई पटवर्धन असं नाव आहे. शरद पवार भाX खाव तुझा लवकरच दाभोळकर होणार, अशी धमकी या फेसबुकवरून देण्यात आली आहे. तर सौरभ पिंपळकर याने ट्विटर अकाऊंटवरून शरद पवार यांना धमकी दिली आहे.