Rohit Arya Case: रोहितशी बोला… पोलिसांनी विनंती केली मात्र केसरकरांचा नकार! रोहित आर्या प्रकरणी मोठी माहिती समोर

रोहित आर्याने मुलांना ओलीस ठेवल्याच्या प्रकरणात एक महत्त्वाची घडामोड समोर आली आहे. सूत्रांकडून मिळालेल्या माहितीनुसार, रोहित आर्याची मनधरणी करण्यासाठी पोलिसांनी राज्याचे मंत्री दीपक केसरकर यांच्याशी संपर्क साधला होता. पोलिसांनी केसरकर यांना रोहित आर्याशी थेट बोलण्याची विनंती केली होती, जेणेकरून ओलीस ठेवलेल्या मुलांची सुटका होऊ शकेल.

यावर दीपक केसरकर यांनी पोलिसांना सांगितले की, ते स्वतः मंत्री असल्याने या प्रकरणात थेट मध्यस्थी करणार नाहीत. त्याऐवजी, संबंधित अधिकारीच यावर बोलतील असे त्यांनी स्पष्ट केले. केसरकर यांच्या म्हणण्यानुसार, मुले ओलीस ठेवलेली असल्याने आर्याला ठोस आश्वासन देणे हे अत्यंत गरजेचे होते.

या प्रकरणी आता दीपक केसरकर यांचा जबाब नोंदवला जाणार असल्याची माहिती सूत्रांकडून मिळत आहे. चौकशीसाठी बोलावल्यास सहकार्य करण्याची तयारी त्यांनी दर्शवली आहे.