Bihar Elections: निवडणूक बिहारची पण चर्चा मात्र शिंदेंची! महाराष्ट्रात शिंदेंसोबत झालं ते नितीश कुमारांसोबत होईल?

बिहार विधानसभा निवडणुकीच्या प्रचारात महाराष्ट्रातील राजकारण चर्चेचा विषय बनले आहे. काँग्रेसने भाजपवर टीका करताना म्हटले आहे की, भाजपने महाराष्ट्रात एकनाथ शिंदेंसोबत जसे केले, तसेच ते बिहारमध्ये नितीश कुमार यांच्यासोबत करतील. निवडणुकीनंतर नितीश कुमारांना बाजूला सारले जाईल अशी भीती काँग्रेसने व्यक्त केली आहे. या टीकेला महाराष्ट्राचे मुख्यमंत्री देवेंद्र फडणवीस यांनी प्रत्युत्तर दिले आहे. त्यांनी स्पष्ट केले की, बिहारमध्ये नितीश कुमार यांच्याच नेतृत्वाखाली भाजप लढत आहे आणि नितीश कुमारच मुख्यमंत्री होतील.

महाराष्ट्रातील सत्तास्थापनेबाबत चुकीचे नरेटिव्ह पसरवले जात असल्याचेही ते म्हणाले. बिहारमध्ये महागठबंधन आणि एनडीए यांच्यात थेट लढत असून, पहिल्या टप्प्यातील मतदानापूर्वी प्रचारात गरमागरमी वाढली आहे. पंतप्रधान नरेंद्र मोदींनीही तेजस्वी यादव यांच्या मुख्यमंत्रीपदाच्या घोषणेवरून आरजेडी आणि काँग्रेसवर निशाणा साधला आहे.