शिंदेंना दिलेल मुख्यमंत्रीपद ते परत करतात! फडणवीसांच्या मिश्किल विनोदाची चर्चा

मुख्यमंत्री देवेंद्र फडणवीस यांनी अलीकडेच उपमुख्यमंत्री एकनाथ शिंदे यांच्यासोबतच्या पदांच्या अदलाबदलीबाबत एक मिश्किल टिप्पणी केली आहे. त्यांच्या या वक्तव्याने महाराष्ट्राच्या राजकीय वर्तुळात एक अनौपचारिक चर्चा सुरू झाली आहे. फडणवीस यांनी म्हटले की, मी आणि एकनाथ शिंदे आम्ही आदलाबदली करत असतो. कधी मी मुख्यमंत्री असतो, कधी ते मुख्यमंत्री असतात. कधी मी उपमुख्यमंत्री असतो, कधी ते उपमुख्यमंत्री असतात.

या संदर्भात बोलताना देवेंद्र फडणवीस यांनी पुढे गंमतीने असेही नमूद केले की, जर एकनाथ शिंदे यांना मुख्यमंत्रीपद दिले, तर ते ते पद परत करतात आणि आपल्याला पुन्हा मुख्यमंत्री बनवतात. फडणवीस म्हणाले, “हे मला माहिती असल्यामुळे मी काही रिस्क घ्यायला मागे-पुढे पाहिलेलं नाही.”मुख्यमंत्री देवेंद्र फडणवीस यांच्या या वक्तव्याला उपस्थितांनी दाद दिली. हे वक्तव्य महाराष्ट्राच्या सध्याच्या राजकीय आघाडीतील नेत्यांमधील अनौपचारिक आणि विनोदी संबंधांवर प्रकाश टाकते. राजकीय पटलावर गंभीर चर्चांच्या जोडीला असे मिश्किल क्षणही महत्त्वाचे ठरतात.