Dhananjay Munde : …तर भावांनो, तुम्हाला टक्क्यातही ठेवणार नाही, मुंडेंचा जरांगे अन् मराठा आंदोलकांना थेट इशारा!

धनंजय मुंडेंनी मराठा आंदोलकांना अप्रत्यक्षपणे इशारा देत, “तुम्हाला टक्क्यातही ठेवणार नाही” असे वक्तव्य केले आहे. नगर जिल्ह्यातील पाथर्डी-शेवगाव येथे वंजारी समाजाच्या एसटी आरक्षण आंदोलनादरम्यान त्यांनी हे विधान केले. शरद पवार गटाचे प्रतापराव ढाकणे यांनी आंदोलनकर्त्यांशी मुंडेंचे फोनवर बोलणे करून दिल्यानंतर हे घडले.

धनंजय मुंडे यांच्या मते, जर हैदराबाद गॅझेटचा फायदा मराठ्यांना आरक्षण मिळवण्यासाठी होत असेल, तर वंजारी समाजालाही त्या गॅझेटनुसार एसटी आरक्षणाचा लाभ मिळाला पाहिजे. पूर्वी वंजारी समाज दोन टक्के ओबीसी आरक्षणात समाधानी होता, परंतु आता काही घटक दोन टक्के आरक्षण रद्द करण्याची मागणी करत असल्याने, त्यांनी हे आव्हान स्वीकारले आहे. यामुळे आरक्षणावरून महाराष्ट्रात नवा राजकीय वाद निर्माण झाला असून, सरकारवर विविध समाजांकडून आरक्षणाच्या मागण्यांचा दबाव वाढत आहे.