Dharashiv Floods : चांदणी नदीला पूर; रस्ते, पूल पाण्याखाली…भूम-परंडा अन् बार्शीचा संपर्क तुटला

धाराशिव जिल्ह्याला मुसळधार पावसाने चांगलंच झोडपून काढलं आहे. धाराशिवमध्ये होत असलेल्या मुसळधार पावसाने चांदणी नदीला पूर आला आहे. या पूरस्थितीमुळे भूम-परंडा आणि बार्शी तालुक्याचा संपर्क पूर्णपणे तुटला आहे.  आलेल्या पूरजन्य परिस्थितीमुळे भूम-परंडा परिसरातील नागरिकांना अडचणींचा सामना करावा लागत आहे. पावसाचा जोर अजूनही कायम असल्याने, स्थिती आणखी चिंताजनक होण्याची शक्यता आहे. स्थानिक प्रशासन आणि मदतकार्य दलाकडून पूरग्रस्तांना मदत पुरवण्याचे काम सुरू आहे. पुढील काही तासांत पावसाचा जोर कमी होण्याची अपेक्षा आहे.