AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Pune FDA : पुण्यातील 4 नामांकित हॉटेल्सवर FDAची धाड; थेट केली कारवाई...

Pune FDA : पुण्यातील 4 नामांकित हॉटेल्सवर FDAची धाड; थेट केली कारवाई…

| Updated on: Nov 20, 2026 | 10:45 AM
Share

पुण्यात अन्न व औषध प्रशासनाने (FDA) मोठी कारवाई करत लोणावळ्यातील द ऑर्किड, रिदम, फर्न आणि बेसिलिका या चार नामांकित हॉटेल्सचे परवाने निलंबित केले आहेत. हॉटेल्समध्ये अस्वच्छता, मुदतवाढ संपलेली दुधाची पाकिटे आणि सुरक्षा नियमांचे उल्लंघन आढळून आल्याने ही कारवाई करण्यात आली.

पुण्यात अन्न व औषध प्रशासनाने (FDA) मोठी कारवाई करत लोणावळ्यातील चार नामांकित हॉटेल्सचे अन्न परवाने निलंबित केले आहेत. द ऑर्किड, हॉटेल रिदम, हॉटेल फर्न आणि हॉटेल बेसिलिका या हॉटेल्सवर ही कारवाई करण्यात आली. तपासणीदरम्यान या हॉटेल्समध्ये मोठ्या प्रमाणात अस्वच्छता आढळून आली.

एफडीएच्या अधिकाऱ्यांनी अचानकपणे केलेल्या तपासणीत हॉटेल्समध्ये मुदतवाढ संपलेली दुधाची पाकिटेही सापडली. याशिवाय, अन्न सुरक्षा नियमांचे सर्रास उल्लंघन होत असल्याचेही निदर्शनास आले. लोकांच्या आरोग्याशी खेळत असल्याचा ठपका ठेवत एफडीएने तात्काळ या चारही हॉटेल्सचे अन्न परवाने रद्द केले आहेत. लोणावळ्यात पर्यटकांची मोठी गर्दी असते आणि अनेकजण या नामांकित हॉटेल्सना भेट देतात. त्यामुळे या कारवाईचे महत्त्व अधिक वाढले आहे. एफडीएच्या या धडक कारवाईमुळे हॉटेल व्यावसायिकांमध्ये खळबळ उडाली आहे.

Published on: Nov 20, 2026 10:45 AM

Follow Us