Subodh Savji : ‘मी ‘त्या’ वकिलावर गोळ्या झाडण्यास तयार, पण….’; माजी मंत्र्याचं खळबजनक वक्तव्य, सरन्यायाधीश हल्ला प्रकरण चिघळणार!

माजी मंत्री सुबोध सावजी यांनी एका माथेफिरू वकिलाला गोळी मारण्यास तयार असल्याचे धक्कादायक विधान केले आहे. या विधानामुळे राजकीय वर्तुळात तसेच समाजात चर्चा सुरू झाली आहे. सावजी यांच्या म्हणण्यानुसार, एक पिस्तूल घेऊन त्या माथेफिरू वकिलावर गोळी झाडावी. त्यांनी हे देखील स्पष्ट केले आहे की, ज्या वकिलाने सरन्यायाधीशांवर बूट भिरकवण्याचा प्रयत्न केला, त्याला गोळी मारण्याची त्यांची तयारी आहे.

दरम्यान, या खळबळजनक विधानासोबतच सावजी यांनी देशाचे पंतप्रधान, गृहमंत्री आणि कायदामंत्री यांच्याकडून एक विशेष अपेक्षा व्यक्त केली आहे. त्यांना या कृतीसाठी कोणतीही सजा होऊ नये अशी त्यांची मागणी आहे. सावजी यांच्या या वक्तव्यामुळे कायदा आणि सुव्यवस्था तसेच न्यायव्यवस्थेशी संबंधित मुद्द्यांवर प्रश्नचिन्ह निर्माण झाले आहे. विविध राजकीय हॅशटॅग्समधून व्हायरल होत असलेला हा व्हिडिओ महाराष्ट्राच्या राजकारणातील एका नव्या वादाला तोंड फोडण्याची शक्यता आहे.