LPG Cylinder Crisis | गॅस तुटवड्यामुळे व्यवसाय अडचणीत; बदलापुरातील हॉटेल्समध्ये चुलीवर अन्न बनवण्याची वेळ

व्यवसायिक गॅस सिलेंडरच्या तुटवड्यामुळे दुकानदार, हॉटेल्स आणि वडापाव विकणाऱ्या व्यवसायिकांसमोर मोठे संकट निर्माण झाले आहे. काही हॉटेल मालकांनी हॉटेल बंद असल्याचे बोर्ड लावून व्यवसाय पूर्णपणे बंद ठेवले आहे. मात्र बदलापुरातील एका हॉटेल व्यावसायिक महिलेने गॅस सिलेंडर न मिळाल्यामुळे चुलीवर अन्न तयार करण्यास सुरुवात केली आहे. हॉटेल बंद ठेवले तर हॉटेलमध्ये काम करणाऱ्या कामगारांना उपासमारीची वेळ येईल, अशी चिंता या व्यावसायिक महिलेने व्यक्त केली आहे. त्यांनी सांगितले की, “व्यवसाय सुरू ठेवणे गरजेचे आहे, नाहीतर कामगार आणि ग्राहक दोघांनाही त्रास सहन करावा लागेल.” व्यवसायिक गॅस तुटवड्यामुळे अनेक छोटे हॉटेल आणि खाद्य व्यवसाय अडचणीत आले असून, या संकटाचा परिणाम थेट लोकांच्या रोजच्या जेवणावरही होत आहे. याविषयी प्रशासनाकडून सध्या कोणतेही उपाय राबवण्यात आले आहेत का, याची माहिती अद्याप स्पष्ट नाही. नागरिक आणि ग्राहक या तुटवड्यामुळे अडचणीत आहेत, तर व्यवसायिकही गॅस मिळण्याची अपेक्षा करत आहेत, असे या परिस्थितीत दिसून येत आहे.