गोकुळ अध्यक्ष निवडीचा मार्ग मोकळा! कोर्टाचे आदेश काय? 25 संचालकांची महत्त्वपूर्ण सभा अन्…

कोल्हापूर जिल्ह्यातील प्रसिद्ध गोकुळ दूध संघाच्या अध्यक्ष निवडीसंदर्भात एक महत्त्वपूर्ण बातमी समोर आली आहे. कोर्टाने गोकुळ अध्यक्ष निवडीसाठी संचालकांची सभा 10 नोव्हेंबरला घेण्याचे आदेश दिले आहेत. या सभेसाठी आज संध्याकाळी पाच वाजेपर्यंत गोकुळ दूध संघाच्या सर्व 25 संचालकांना नोटीस पाठवण्याचे निर्देशही कोर्टाने दिले आहेत. कोर्टाने हा एक अंतरिम आदेश दिला असून, निवडणूक प्राधिकरणाला (Election Authority) आजच नोटीस काढण्यास सांगितले आहे.

या नोटीस प्रमाणे सात दिवसांचा कालावधी गृहीत धरल्यास, ही सभा बहुधा 11 तारखेला होईल असे अपेक्षित आहे. कोर्टाने पुढील आठवड्यात 10 आणि 11 तारखेला होणाऱ्या या सभेबाबत आपले मत स्पष्ट केले आहे. सध्या केवळ निवडणूक अधिकाऱ्याला सात दिवसांची नोटीस काढण्याची परवानगी देण्यात आली असून, त्याप्रमाणे 10 नोव्हेंबरला सभा होईल. या सभेला कुणावरही जबरदस्तीने हजर राहण्याची सक्ती करण्यात आलेली नाही.