Video : गोपीचंद पडळकरांच्या भावाच्या गाडीला अपघात, ब्रम्हानंद पडळकर यांच्यासह तीन जण गंभीर जखमी

भाजप आमदार गोपीचंद पडळकरांचे थोरले बंधू ब्रम्हानंद पडळकर यांच्या गाडीला अपघात झाला आहे. या अपघातात ब्रम्हानंद पडळकरांसह तिघेजण गंभीर जखमी आहेत. तसेच छोटा हत्तीचा चालकही गंभीर जखमी आहे. विटा-कुंडल रोडवर छोटा हत्ती गाडी आणि ब्रम्हानंद पडळकरांच्या (bramhanand padalkar ) गाडीमध्ये समोरासमोर धडक झाली. ब्रम्हानंद पडळकर हे भाजप आमदार गोपीचंद पडळकर याचे थोरले बंधू आहेत आणि जिल्हापरिषद सदस्य आहेत. जखमींना विटा येथील खाजगी रुग्णालयात उपचारासाठी दाखल करण्यात आले आहे. कार्यकर्त्याच्या मुलीच्या साखरपुड्यासाठी जात असताना मालवाहू टेम्पो आणि पडळकर यांच्या गाडीचा समोरासमोर अपघात झाला. अपघाताचे वृ्त्त कळताच आमदार गोपीचंद पडळकर (gopichand padalkar) हे आपला सातारा दौरा सोडून विट्याकडे रवाना झाले आहेत. घटनास्थळी विटा स्टेशन पोलीस निरीक्षक संतोष डोके आणि पोलीस कर्मचारी दाखल झाले आहेत.