Mumbai Crime News : त्वचेचा कॅन्सर असलेल्या आजीला जंगलात फेकलं, नराधम नातवाश तिघांना अटक

त्वचेचा कॅन्सर असलेल्या स्वतःच्याच आजीला नराधम नातवाने आरे मधल्या जंगलात असलेल्या कचऱ्यात फेकल्याची घटना काही दिवसांपूर्वी समोर आली होती. 22 तारखेला पोलिसांना ही आजी त्याठिकाणी आढळून आल्यानंतर त्यांना कुपर रुग्णालयात दाखल करण्यात आलं होतं.  त्यानंतर पोलिसांनी या आजीच्या नातवाचा शोध घेण्यास सुरुवात केली होती. आता या नातवाला अटक करण्यात आली असून त्याच्यासोबत आजीचा दीर आणि आणखी एका इसमावर गुन्हा दाखल करण्यात आला आहे.

रविवारी रात्री 3:30 वाजता 70 वर्षीय वयोवृद्ध आजीला नातवाने त्याच्या आजीला आरेच्या जंगलात फेकले होते.  त्वचेचा कॅन्सर असलेल्या स्वतःच्या आजीला आरेच्या जंगलात फेकून जाणाऱ्या नातवाला पोलिसांनी अटक केली आहे. गेल्या तीन दिवसांपासून गुंगारा देणाऱ्या नातवावर पोलिसांनी गुन्हा दाखल करत अटक केली आहे. दरम्यान, यशोदा गायकवाड असे या वृद्ध महिलेचे नाव असून तिच्यावर कूपर रुग्णालयात उपचार सुरू आहेत. तर नातवावर करण्यात आलेले सर्व आरोप त्याने फेटाळले आहेत.