Maharashtra Heavy Rain : भरपाईआधीच बळीराजा दुसऱ्यांदा संकटात, राज्यभरातील अतिवृष्टीनं नवं नुकसान

महाराष्ट्रात सध्या अतिवृष्टीने हाहाकार माजला आहे. आधीच्या नुकसानीचे पंचनामे सुरू असतानाच पुन्हा एकदा मुसळधार पावसामुळे शेतकऱ्यांचे मोठे नुकसान झाले आहे. बीड, धाराशिव आणि जळगाव जिल्ह्यात परिस्थिती चिंताजनक आहे. धाराशिवच्या वडणे तालुक्यातील देवगाव येथे हेलिकॉप्टरद्वारे लोकांचे बचाव करण्यात आले. वडणे येथे पुराने एका महिलेचा मृत्यू झाला आहे. बीडच्या शिरूर कासारमध्ये सिंधफणा नदीने पूर आणला आहे. आष्टी वनवेवाडी गाव पूर्णपणे पाण्याखाली गेले आहे. जळगाव पाचोऱ्यातही पूरस्थिती आहे. जालना, सोलापूर, अहिल्या नगर आणि छत्रपती संभाजी नगर जिल्ह्यातही जनजीवन विस्कळीत झाले आहे. अनेक ठिकाणी शेती पिकांचे मोठे नुकसान झाले असून शेतकरी ओला दुष्काळ जाहीर करण्याची मागणी करत आहेत.