Sukhbir Singh Badal | पंजाबच्या माजी उपमुख्यमंत्री सुखबीर सिंह यांच्यावर हल्ल्याचं नेमकं कारण काय? याआधीही… मोठी अपडेट समोर

नांदेड शहरातील गुरुद्वारा परिसरात पंजाबचे माजी उपमुख्यमंत्री सुखबीर सिंग बादल यांच्यावर जीवघेणा हल्ला झाला आहे. ही घटना तख्त श्री हजूर साहेब गुरुद्वारा येथून बाहेर येत असताना घडली. निहाल जसपाल सिंग नावाच्या व्यक्तीने त्यांच्यावर हल्ला करण्याचा प्रयत्न केला. या हल्ल्यात सुखबीर सिंग बादल यांच्या हाताला किरकोळ दुखापत झाली आहे. त्यांना तातडीने खाजगी रुग्णालयात दाखल करण्यात आले असून, तिथे त्यांच्यावर उपचार सुरू आहेत.

सुखबीर सिंग बादल यांची प्रकृती स्थिर असल्याची माहिती डॉक्टरांनी दिली आहे. घटनेनंतर तातडीने पोलिसांनी कारवाई करत आरोपी निहाल जसपाल सिंग याला अटक केली आहे. संबंधित व्यक्ती हा वकील असल्याची माहिती समोर आली आहे. महत्त्त्वाची बाब म्हणजे सुखबीर सिंह यांच्यावर या आधीदेखील हल्ला करण्यात आला आहे. त्यावेळी त्यांच्या अंगरक्षकांन प्रसंगावधान राखत त्यांचा बचाव केल होता. हल्ल्याचे नेमके कारण अद्याप अस्पष्ट असून, पोलीस अधिक तपास करत आहेत. या घटनेची माहिती मिळताच राज्याचे मुख्यमंत्री देवेंद्र फडणवीस यांनी नांदेडच्या पोलीस अधीक्षकांकडून घटनेची सविस्तर माहिती घेतली. तसेच, या हल्लाप्रकरणी सखोल चौकशीचे आदेशही मुख्यमंत्र्यांनी दिले आहेत. मुख्यमंत्री फडणवीस यांनी दूरध्वनीवरून सुखबीर सिंग बादल यांच्या तब्येतीची विचारपूसही केली.