पुण्यातील राजकीय नेत्यांना धमकी देऊन खंडणीची मागणी करणाऱ्याला बेड्या, कोण आहे ‘तो’?

पुणे : भोसरी विधानसभेचे भाजप आमदार महेश लांडगे, महाराष्ट्र नवनिर्माण सेनेचे नेते वसंत मोरे आणि पीएमसी माजी नगरसेवक अविनाश बागवे यांना जीवे मारण्याची धमकी देणारा पोलिसांच्या जाळ्यात आला आहे. गेल्या काही दिवसांपासून हा व्यक्ती पुण्यातील राजकीय नेत्यांना धमकी देत त्यांच्यांकडून खंडणी मागत होता. पुणे पोलिसांच्या रडारवर तो अनेक दिवसांपासून होता. धमकी देताना तो मुलीच्या नावाचाही वापर करत होता. अखेर त्याला बेड्या ठोकण्यात आल्या आहेत. अनेक दिवसापासून पुण्यातील राजकीय नेत्यांना धमकीचे फोन येत होते. राजकीय नेत्यांना आणि त्यांच्या कुटुंबियांना मिळणाऱ्या धमक्यांमुळे पुणे पोलीसांनी वेगाने तपास सुरु केला. आरोपीला पुण्यातील घोरपडी परिसरातून आरोपीला अटक केली. इम्रान शेख असं आरोपीचे नाव आहेत.