Imtiaz Jaleel : जलील यांच्या कारवरील हल्ल्यामागे नेमकं कोण? दोन बड्या मंत्र्यांची नावं आल्यानं खळबळ

छत्रपती संभाजीनगर येथे एका रॅलीदरम्यान एआयएमआयएमचे खासदार इम्तियाज जलील यांच्या वाहनावर हल्ला झाल्याची घटना समोर आली आहे. या हल्ल्याप्रकरणी इम्तियाज जलील यांनी गंभीर आरोप केले आहेत. त्यांनी भाजपचे मंत्री अतुल सावे आणि पालकमंत्री संजय शिरसाट यांचे नाव घेत हल्लेखोरांना त्यांचे संरक्षण असल्याचा दावा केला आहे. जलील यांच्या मते, हे गुंड सावे आणि शिरसाट यांनी पाळलेले आहेत. जलील यांनी पोलिसांना या घटनेची गंभीर दखल घेऊन योग्य ती कारवाई करण्याचे आवाहन केले आहे. जर पोलिसांनी यावर योग्य उपाययोजना केली नाही, तर पुढील कार्यवाही करण्याची भूमिका घेण्याचा इशाराही त्यांनी दिला. जलील यांनी स्पष्ट केले की, हल्लेखोर कोणत्या पक्षाचे आहेत हे माहित नाही, मात्र ते शिरसाट आणि सावे यांनी पाळलेले गुंड असल्याचे त्यांचे म्हणणे आहे. हल्ला पोलिसांच्या समक्ष झाल्याचेही त्यांनी नमूद केले.