Pahalgam Attack : हीच ती जागा जिथं दहशतवाद्यांनी पर्यटकांवर धडाधड झाडल्या गोळ्या, तिथली वरिष्ठ अधिकाऱ्यांकडून पाहणी

जम्मू काश्मीर येथील पहलगाम येथे बैसरन पिकनिक स्पॉटवर दहशतवादी हल्ला झाला. यामध्ये एकूण २६ जणांचा मृत्यू झाला. पहलगाममधील दहशतवादी हल्ला झाल्यानंतर संपूर्ण देशात संतापाची लाट उसळली आहे. अशातच पहलगाममधील दहशतवादी हल्ल्याचा आणखी एक व्हिडीओ समोर आला आहे. पहलगाममधील बैसरन पिकनिक स्पॉटवर काही पर्यटक पर्यटन करत असल्याचे व्हिडीओमध्ये पाहायला मिळतंय. मात्र त्याचवेळी काही दहशतवादी तेथे आले आणि त्यांनी बेछूट गोळीबार केला. या दहशतवाद्यांनी काही निष्पाप पर्यटकांवर भ्याड केला. या भ्याड हल्ल्यानंतर हसतं खेळतं पर्यटकांचं वातावरण अवघ्या काही क्षणात दुःखात बदलल्याचे पाहायला मिळालं. पर्यटक आपल्या कुटुंबासोबत फिरत होते. काही लोकं बसले होते.. यावेळी या पर्यटकांना घेरलं आणि दहशतवाद्यांनी धर्म विचारत त्यांच्यावर गोळ्या झाडल्या.  याचाच व्हिडीओ नुकताच समोर आल्याचे पाहायला मिळाले. दरम्यान, पहलगाममध्ये हल्ला झालेल्या ठिकाणाची वरिष्ठ अधिकाऱ्यांकडून पाहणी करण्यात आली.