Karuna Munde : पकंजा मुंडेंच्या PA च्या पत्नीच्या आत्महत्येवर करूणा मुडेंचं मोठं विधान, डॉ. गौरी गर्जेची….

मंत्री पंकजा मुंडे यांचे पीए अनंत गर्जे यांच्या पत्नी डॉ. गौरी गर्जे यांनी वरळी येथे आत्महत्या केल्याच्या घटनेनंतर, करुणा मुंडेंनी याबाबत तीव्र प्रतिक्रिया व्यक्त केली आहे. मुंडेंनी ही आत्महत्या नसून हत्या असल्याचा गंभीर आरोप केला. गौरी गर्जे यांच्या कुटुंबियांनीही हे प्रकरण हत्या असल्याचे म्हटले आहे. करुणा मुंडेंनी प्रशासनावर आणि महिला आयोगावर निष्क्रियतेचा ठपका ठेवला. त्या म्हणाल्या की, महिला न्यायाची मागणी करत असताना कोणीही लक्ष देत नाही, मात्र आत्महत्या किंवा हत्या झाल्यानंतरच चर्चा होते. त्यांनी महिला आयोगाच्या कार्यपद्धतीवरही प्रश्नचिन्ह उपस्थित केले.

या प्रकरणी सखोल चौकशीची मागणी करताना करुणा मुंडेंनी पंकजा मुंडे आणि धनंजय मुंडे यांना आवाहन केले आहे की, जरी अनंत गर्जे हे पंकजा मुंडे यांचे पीए असले तरी, गौरी गर्जे या महिलेला न्याय मिळवून देण्यासाठी त्यांनी पाठीशी उभे राहिले पाहिजे. हे त्यांचे कर्तव्य असल्याचे करुणा मुंडेंनी नमूद केले. अनंत गर्जे यांना अटक करण्यात आली असली तरी, अशा प्रकरणांमध्ये दोषींना कठोर शिक्षा व्हावी, अशी त्यांची मागणी आहे.