सोमय्या म्हणाले… मालेगाव दहशतवाद्यांचं केंद्र! गंभीर आरोपांनी वातावरण तापलं

भाजप नेते किरीट सोमय्या यांनी बनावट जन्म प्रमाणपत्रांच्या प्रकरणासंदर्भात मालेगावला भेट दिली. या भेटीदरम्यान त्यांनी मालेगावला थेट दहशतवादी आणि बांगलादेशींचे केंद्र म्हटले. त्यांनी अप्पर जिल्हाधिकारी आणि अप्पर पोलीस अधीक्षकांची भेट घेऊन काही पुरावे सादर केले. सोमय्यांच्या म्हणण्यानुसार, महाराष्ट्रात सर्वाधिक बोगस जन्म प्रमाणपत्रे मालेगावमध्ये देण्यात आली असून, याप्रकरणी सुमारे अकराशे लोकांना अटक करण्यात आली आहे.

सोमय्यांच्या या गंभीर आरोपांनंतर मालेगाव महापालिकेतील सत्ताधारी इस्लाम पार्टीने जोरदार आंदोलन केले. उपमहापौर शाने हिंद यांच्या नेतृत्वाखाली नगरसेवकांनी हातात तिरंगा ध्वज घेऊन सोमय्यांच्या विरोधात घोषणाबाजी केली. मालेगावला बदनाम करण्याचा हा प्रयत्न असल्याचा आरोप त्यांनी केला. या घटनेमुळे मालेगावात काही काळ तणावाचे वातावरण निर्माण झाले होते.