Yugendra Pawar : अजित दादा अन् शरद पवार यांची राष्ट्रवादी एकत्र येणार? युगेंद्र पवार यांनी एका वाक्यात म्हटलं…

बारामती नगरपरिषदेसाठी आज मतदान प्रक्रिया पार पडत आहे. या निमित्ताने राजकीय वर्तुळात अनेक चर्चांना उधाण आले आहे. उपमुख्यमंत्री अजित पवार हे बारामतीमध्ये पोहोचले आहेत. बारामतीत पवारांची राष्ट्रवादी आणि अजित पवार यांच्या नेतृत्वाखालील राष्ट्रवादी यांच्यात थेट लढत होत आहे. दोन्ही राष्ट्रवादी एकत्र येणार असल्याच्या चर्चांवर राष्ट्रवादी काँग्रेस शरदचंद्र पवार पक्षाचे नेते युगेंद्र पवार यांनी प्रतिक्रिया दिली. त्यांनी या चर्चा केवळ अफवा असल्याचे म्हटले. ते म्हणाले की, गेल्या सात-आठ महिन्यांपासून अशा चर्चा सुरू असल्या तरी, आतापर्यंत दोन्ही पक्ष एकत्र आलेले नाहीत. युगेंद्र पवार यांनी आपल्या कार्यकर्त्यांनी घेतलेल्या कष्टांवर आणि उमेदवारांच्या जनसंपर्कावर विश्वास व्यक्त करत १०० टक्के विजयाची खात्री दिली.