Maharashtra Election Results 2026 : अजितदादांना मोठा धक्का, पुण्यात NCP ला फटका तर भाजपची मुसंडी

महाराष्ट्र निवडणूक 2026 च्या मतमोजणीचे सुरुवातीचे कल हाती आले असून, पुण्यात राष्ट्रवादी काँग्रेस (अजित पवार गट) साठी धक्कादायक चित्र आहे. आतापर्यंतच्या कलांनुसार, भारतीय जनता पक्षाने ४७ जागांवर आघाडी घेतली आहे, तर अजित पवारांच्या राष्ट्रवादी काँग्रेसला केवळ ३ जागांवर आघाडी मिळाली आहे. गत निवडणुकीत अजित पवारांनी ४२ जागा जिंकल्या होत्या, त्यामुळे हा त्यांच्यासाठी मोठा धक्का मानला जात आहे.

मुंबई आणि पिंपरीमधूनही महत्त्वाचे कल समोर आले आहेत. मुंबई प्रभाग ३७ मध्ये ठाकरेंच्या शिवसेनेच्या योगिता कदम आघाडीवर आहेत, तर प्रभाग ३६ मध्ये महाराष्ट्र नवनिर्माण सेनेचा उमेदवार आघाडीवर आहे. पिंपरीच्या प्रभाग ७ मधून विलास लांडे यांचे पुतणे पिछाडीवर आहेत. मुंबई प्रभाग ३३ मध्ये भाजपचे उज्वल वैती आणि प्रभाग १० मध्ये भाजपचे जितेंद्र पटेल आघाडीवर आहेत. एकूण १५९ जागांच्या कलांमध्ये भाजप-शिंदे युतीने मुसंडी मारल्याचे चित्र आहे, तर ठाकरे गटही चांगली टक्कर देत आहे. मुंबई प्रभाग ८७ मध्ये भाजपचे कृष्णा पारकर आघाडीवर आहेत.