Maharashtra Local Body Elections : राज्य निवडणूक आयोगाची आज पत्रकार परिषद, महापालिका निवडणुकीच्या तारखांची घोषणा होणार?

महाराष्ट्र राज्य निवडणूक आयोग आज दुपारी चार वाजता एक महत्त्वपूर्ण पत्रकार परिषद आयोजित करणार आहे. ही परिषद राज्यातील आगामी स्थानिक स्वराज्य संस्थांच्या निवडणुकांसंदर्भात असेल. सध्या राज्यात २८९ नगरपालिका, नगर पंचायती आणि नगर परिषदा, ३२ जिल्हा परिषदा, २९ महापालिका तसेच ३३१ पंचायत समिती यांच्या निवडणुका प्रलंबित आहेत. या सर्व निवडणुका ३१ जानेवारी २०२५ पर्यंत पूर्ण करणे बंधनकारक आहे, कारण सुप्रीम कोर्टाने तसे स्पष्ट आदेश दिले आहेत.

आजच्या पत्रकार परिषदेत, विशेषतः ३२ जिल्हा परिषदा आणि २९ महापालिकांच्या निवडणूक कार्यक्रमाची घोषणा होण्याची दाट शक्यता आहे. सुप्रीम कोर्टाच्या निर्देशानुसार, ज्या स्थानिक स्वराज्य संस्थांची मुदत संपली आहे, त्या सर्वांच्या निवडणुका ३१ जानेवारीपूर्वी घेणे अनिवार्य आहे. राज्य निवडणूक आयोग या निवडणुकांचा सविस्तर कार्यक्रम तसेच त्या किती टप्प्यांत घेण्यात येतील, याबाबत माहिती देईल. या परिषदेकडे संपूर्ण राज्याचे लक्ष लागून आहे, विशेषतः २४६ नगरपालिका आणि ४२ नगरपंचायतींच्या उमेदवारांना तारखांची उत्सुकता आहे.