Local Body Poll : ‘या’ महापालिकेच्या निवडणुकीचा बार उडणार? बघा तुमची महापालिका आहे का?

महाराष्ट्र राज्य निवडणूक आयोग दुपारी 4 वाजता एक महत्त्वाची पत्रकार परिषद घेणार आहे, ज्यात राज्यातील महानगरपालिका निवडणुकांच्या तारखा जाहीर होण्याची शक्यता आहे. या निवडणुका सुप्रीम कोर्टाने दिलेल्या 31 जानेवारीच्या मुदतीपूर्वी पूर्ण करणे बंधनकारक आहे. यामध्ये मुंबई, नवी मुंबई, पुणे, पिंपरी-चिंचवड, नाशिक, नागपूर, छत्रपती संभाजीनगर अशा 29 महानगरपालिकांचा समावेश आहे. याचवेळी, आदित्य ठाकरे यांचीही पत्रकार परिषद होणार असून, ते मतदार यादीतील दुबार नावांच्या मुद्द्यावर आवाज उठवणार आहेत. विरोधी पक्षांनी यापूर्वीही निवडणूक आयोगाकडे दुबार नावे वगळण्याची मागणी केली होती आणि यावर अद्याप आयोगाने उत्तर दिलेले नाही. त्यामुळे निवडणूक आयोगाच्या घोषणेनंतर विरोधी पक्ष काय भूमिका घेतात याकडे सर्वांचे लक्ष लागले आहे.