Ajit Pawar : असं समजा नाशिकचा पालकमंत्री मीच… अजित दादांकडून पालकमंत्री पदावर दावा अन् राजकीय वर्तुळात चर्चा

महाराष्ट्राच्या राजकीय वर्तुळात अनेक महत्त्वाच्या घडामोडी घडत आहेत. नाशिकच्या पालकमंत्रीपदावरून सध्या चर्चांना उधाण आले आहे. उपमुख्यमंत्री अजित पवार यांनी एका प्रसंगी, “नाशिकचा पालकमंत्री मीच आहे असं समजा”, असे विधान केले. यावर प्रतिक्रिया देताना भाजप नेते रावसाहेब दानवे यांनी स्पष्ट केले की, राज्याचे खरे पालकमंत्री देवेंद्र फडणवीसच आहेत. दानवे यांनी पुढे असेही नमूद केले की, मंत्री त्यांच्या त्यांच्या खात्याचे पालक असले तरी, या राज्याचे पालकमंत्री म्हणून देवेंद्र फडणवीस यांचीच ओळख आहे. भाजप, राष्ट्रवादी आणि उबाठा (उद्धव बाळासाहेब ठाकरे गट) यांच्यातील राजकीय अडथळ्यांबाबत काळजी करू नका, असेही अजित पवारांनी म्हटले होते.