महेश डोंगरेंचा संतोष देशमुख करू! ऑडिओ क्लिप व्हायरल…

मराठा क्रांती मोर्चाचे पदाधिकारी महेश डोंगरे पाटील यांना जीवे मारण्याची धमकी देण्यात आली आहे. धनंजय मुंडेंवरील टीकेनंतर त्यांना ही धमकी मिळाल्याचे समोर आले आहे. एका ऑडिओ क्लिपमध्ये, महेश डोंगरे पाटलांचा संतोष देशमुख करू असा स्पष्ट उल्लेख करण्यात आला आहे. धमकी देणाऱ्या व्यक्तीचे नाव दत्ता खाडे असून तो पुण्यातील भोसरी येथून बोलत होता. ही धमकी डोंगरे पाटील यांच्या सहकाऱ्याला फोन करून देण्यात आली. टीव्ही 9 मराठी या ऑडिओ क्लिपच्या सत्यतेची पुष्टी करत नाही.

दरम्यान, आमदार निवासातील कॅन्टीनवरील कारवाई अवघ्या महिन्याभरात मागे घेण्यात आली आहे. अन्न आणि औषध प्रशासन विभागाने या कॅन्टीनला क्लीन चिट दिली आहे. यापूर्वी, शिळे अन्न दिल्यामुळे आमदार संजय गायकवाड यांनी कर्मचाऱ्याला मारहाण केली होती, त्यानंतर कॅन्टीनचा परवाना निलंबित करण्यात आला होता.