मराठा आरक्षणावर जरांगे पाटलांचा विखेंवर गंभीर आरोप; म्हणाले, वर्षभर घात केला अन्…

मराठा आरक्षणाच्या मागणीसाठी आंदोलनकर्ते मनोज जरांगे पाटील यांनी अनेक नेत्यांवर मराठा समाजाची फसवणूक करून आरक्षणाला वर्षभर विलंब केल्याचा गंभीर आरोप केला आहे. गोड बोलून विखेंनी वर्षभर घात केला, असे म्हणत जरांगे पाटील यांनी सत्ताधारी पक्षातील नेत्यांवर निशाणा साधला. त्यांनी यापूर्वीही अनेकवेळा आरक्षणाच्या मुद्द्यावर विलंब करणाऱ्यांवर तीव्र टीका केली होती. जरांगे पाटील यांनी आरक्षणासंदर्भात सुरू असलेल्या घडामोडींना भयानक षडयंत्र असे संबोधले आहे.

मराठा समाजाला आरक्षण मिळू नये यासाठी जाणीवपूर्वक प्रयत्न केले जात असल्याचा दावा त्यांनी केला. तसेच, मराठ्यांना मतदान केल्यास सत्ताधाऱ्यांकडून होणाऱ्या विरोधाला सामोरे जावे लागेल, असा इशाराही त्यांनी दिला. मराठा समाजाला केवळ आश्वासन देऊन वेळकाढूपणा केला जात असल्याचा त्यांचा आरोप आहे. यापुढे मराठा समाज कोणत्याही फसवणुकीला बळी पडणार नाही, असे जरांगे पाटील यांनी ठामपणे सांगितले.