विद्यानंद बापटांनंतर विवेकानंद नावाचा तरुण तुफान चर्चेत; उद्धव ठाकरेंनी थेट…

कोल्हापूर येथे झालेल्या महाराष्ट्र लोकसेवा आयोगाच्या (MPSC) विद्यार्थ्यांच्या आंदोलनादरम्यान, विवेकानंद पाटील या तरुणाने दिलेले भाषण सोशल मीडियावर चांगलेच व्हायरल झाले. या भाषणाची दखल घेत शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांनी स्वतः विवेकानंद पाटील यांच्याशी दूरध्वनीवरून संपर्क साधून त्यांचे कौतुक केले. यासोबतच उद्धव ठाकरे यांनी विवेकानंद पाटील आणि त्यांच्या सहकाऱ्यांना मुंबईतील त्यांच्या निवासस्थानी मातोश्रीवर भेटीसाठी निमंत्रित केले आहे. आपल्या भाषणात विवेकानंद पाटील यांनी तरुणांमधील देशाभिमान आणि त्यांच्या समस्या ठामपणे मांडल्या होत्या. त्यांच्या पोटतिडकीच्या बोलण्याने अनेकजण प्रभावित झाले.

देवळे साहेब यांच्या माध्यमातून ठाकरे साहेबांपर्यंत निरोप पोहोचवल्याचे त्यांनी नमूद केले. या भेटीदरम्यान, आदित्य ठाकरे यांच्यासोबत मुंबईत मोर्चा काढण्याची योजना असल्याचेही संकेत त्यांनी दिले. कोल्हापूर जिल्ह्यातील हजारो विद्यार्थ्यांना घेऊन येण्याचे आश्वासन पाटील यांनी दिले. सध्या सुरू असलेल्या MPSC आंदोलनाला आणि विद्यार्थ्यांच्या संघर्षाला यामुळे एक नवे बळ मिळाले आहे.