तर मोठा राडा होणार, शिंदेंचा कार्यक्रम… मनोज जरांगेंचा थेट खासदार संजय जाधवांना फोन

मनोज जरांगे पाटील यांनी परभणी येथे होणारा शेतकरी मेळावा रद्द करण्याची मागणी करत आक्रमक पवित्रा घेतला आहे. मुख्यमंत्री एकनाथ शिंदे यांच्या उपस्थितीत हा मेळावा होणार असून, तो रद्द न झाल्यास राज्यात गोंधळ होईल, असा इशारा जरांगेंनी दिला आहे. प्रमाणपत्र रद्द केल्याप्रकरणी संजय शिरसाट यांच्यावर जरांगेंनी टीका केली.

जोपर्यंत मराठा आरक्षणासंदर्भातील प्रमाणपत्रे दिली जात नाहीत, तोपर्यंत एकनाथ शिंदे यांनी कोणत्याही कार्यक्रमाला येऊ नये, असे जरांगे पाटील यांनी म्हटले आहे. या मेळाव्याचे आयोजक बंडू जाधव यांना थेट दूरध्वनीवरून जरांगेंनी हा कार्यक्रम त्वरित रद्द करण्यास सांगितले आहे. कार्यक्रम रद्द न झाल्यास आपण स्वतः उपोषण सोडून परभणीला येऊन त्यात हस्तक्षेप करू, अशी धमकी जरांगेंनी दिली. जरांगे यांनी या प्रकरणाला गांभीर्याने घेतले असून, राज्यात अस्थिरता निर्माण झाल्यास त्याची जबाबदारी बंडू जाधव यांच्यावर असेल, असे स्पष्ट केले. समाज महत्त्वाचा असून, कोणत्याही नेत्यापेक्षा समाजाच्या भावनांना प्राधान्य द्यावे, अशी त्यांची भूमिका आहे.