Walmik Karad : बीडमधून मोठी बातमी, वाल्मिक कराड समर्थक गोट्या गित्तेसह 5 आरोपींना दिलासा

बीड जिल्ह्यातून एक महत्त्वाची बातमी समोर आली आहे. मस्साजोग सरपंच संतोष देशमुखांच्या हत्येचा मास्टरमाईंड वाल्मिक कराडचा समर्थक गोट्या गित्ते यांच्यासह पाच आरोपींवरील गुन्हेगारी प्रतिबंधक कायदा (मकोका) अंतर्गत आरोप रद्द करण्यात आले आहेत. याबाबत अप्पर पोलीस महासंचालकांकडून अधिकृत माहिती देण्यात आली आहे. मात्र, या पाच आरोपींपैकी दोघांवर मकोका अंतर्गत कारवाई सुरूच राहील असेही स्पष्ट करण्यात आले आहे. गोट्या गित्ते यांच्यावर हत्येचा प्रयत्न, खंडणी आणि इतर दहा गंभीर गुन्ह्यांचे आरोप आहेत. या प्रकरणाबाबत अधिक तपास सुरू असल्याचे सांगण्यात आले आहे.