Babasaheb Patil : आधी शेतकऱ्यांबद्दल नको ते बोलून गेले अन् आता म्हणताय… मंत्री बाबासाहेब पाटलांचा यु-टर्न, व्यक्त केली दिलगिरी

सहकार मंत्री बाबासाहेब पाटलांनी त्यांच्या लोकांना कर्जमाफीचा नाद लागलाय या वक्तव्याबद्दल दिलगिरी व्यक्त केली आहे. जळगाव येथे एका बँकेच्या उद्घाटनावेळी त्यांनी स्पष्टीकरण देत सांगितले की, कोणाच्याही भावना दुखावण्याचा त्यांचा कोणताही हेतू नव्हता. पाटलांनी स्पष्ट केले की, दुधाशी संबंधित योजना शेतकरी कर्जमाफीमध्ये नसल्यामुळे त्यांनी हे वक्तव्य केले होते.

ग्रामीण भागातील अर्थव्यवस्था अधिक मजबूत करण्यासाठी शेतकऱ्यांनी दुग्धव्यवसायाकडे वळावे आणि अर्बन बँका व पतसंस्थांनीही अशा शेतकऱ्यांना कर्ज उपलब्ध करून द्यावे, अशी त्यांची भूमिका होती. कर्जमाफीच्या पलीकडे जाऊन शेतकऱ्यांनी आर्थिक स्थैर्य मिळवावे, हा संदेश देण्याचा त्यांचा उद्देश होता.

ते पुढे म्हणाले की, “ह्या योजना फक्त कर्जमाफीमध्ये फसत नाहीत, एवढंच माझ्या पाठीमागला म्हणण्याचा उद्देश होता.” जर त्यांच्या वक्तव्यामुळे कोणाच्या भावना दुखावल्या असतील, तर त्यांनी त्याबद्दल माफी मागितली आहे. त्यांचे हे स्पष्टीकरण त्यांच्या पूर्वीच्या वादग्रस्त वक्तव्यानंतर आले आहे, ज्यावर विविध प्रतिक्रिया उमटल्या होत्या.