Suresh Dhas : नैसर्गिक रंगात न्हाऊन निघत धसांनी लुटला धुळवडीचा आनंद

आष्टी विधानसभा मतदारसंघाचे आमदार सुरेश धस यांनी आज कार्यकर्त्यांसोबत धूळवड खेळण्याचा आनंद लुटला. कार्यकर्ता सतीश भोसले याच्या मारहाणीच्या प्रकरणामुळे आणि संतोष देशमुख प्रकरण उचलून धरल्यामुळे धस सध्या चर्चेत आहेत.

होळीनंतर आज राज्यभरात धूळवड साजरी केली जात आहे. रंगांची उधळण करत आनंदात धूळवड साजरी केली जात आहे. राजकीय पक्षाच्या नेत्यांकडून देखील धूळवड खेळण्यात येत आहे. कार्यकर्ते, कुटुंबीयांना रंग लाऊन नेत्यांनी रंगांची उधळण केल्याचं बघायला मिळालं आहे. आष्टी मतदारसंघाचे आमदार सुरेश धस यांनी देखील आज आपल्या आष्टी येथील निवासस्थानी कार्यकर्त्यांना रंग लाऊन धूळवड साजरी केली. यावेळी कार्यकर्त्यांना नैसर्गिक रंग लाऊन पर्यावरण पूरक धुळवड साजरी केली.