Worli BDD Chawl : राज ठाकरे यांनी केली पुतण्याच्या मतदारसंघातील बीडीडी पुनर्विकास प्रकल्पाची पाहणी

मुंबई, ४ नोव्हेंबर २०२३ | मनसे अध्यक्ष राज ठाकरे यांनी आज आदित्य ठाकरे यांच्या मतदारसंघात दौरा केला. यावेळी त्यांनी वरळी मतदारसंघातील वरळी बीडीडी चाळीला भेट दिली. बीडीडी चाळीचं काम सुरु असताना या कामाची पाहणी स्वतः मनसे अध्यक्ष राज ठाकरे यांनी केली. राज्य सरकारकडून वरळी बीडीडी चाळीचा पुनर्विकास केला जात आहे. स्थानिक नागरिकांच्या आणि व्यापाऱ्यांच्या मोठ्या प्रमाणात समस्या आहेत या समस्या घेऊन अनेक वेळा बीडीडी चाळीतील रहिवाशी आणि व्यापारी राज ठाकरे यांच्या भेटीला गेले होते. त्यानंतर स्वतः राज ठाकरेंनी आज वरळी बीडीडी येथील स्थानिकांच्या समस्या जाणून घेतल्या. दरम्यान, जवळपास २० मिनिटं त्यांनी अधिकाऱ्यांशी चर्चा केली. तर वरळी हा मतदारसंघ आदित्य ठाकरे यांचा असल्याने राज ठाकरे तेथे दाखल झाल्यानंतर राजकीय वर्तुळात चर्चांना उधाण आले आहेत.