MNS Avinash Jadhav : 66 बिनविरोध नगरसेवकांविरोधात मनसे आज हायकोर्टात, निवडणुकीपूर्वी काय घडणार?

महाराष्ट्रातील महानगरपालिका निवडणुकांसाठी ६६ ठिकाणी नगरसेवक बिनविरोध निवडून आल्याच्या विरोधात मनसे (महाराष्ट्र नवनिर्माण सेना) आज उच्च न्यायालयात याचिका दाखल करणार आहे. मनसेनेते अविनाश जाधव यांनी ही याचिका दाखल करण्याची माहिती दिली. बिनविरोध निवडीमागे उमेदवारांना धमकावणे किंवा त्यांच्यावर दबाव टाकल्याचा आरोप मनसेने केला आहे.

या प्रकरणाची चौकशी निवडणूक आयोगाने सुरू केली असली तरी, मनसेची मागणी आहे की, ही चौकशी निवृत्त न्यायाधीशांमार्फत किंवा उच्च न्यायालयाच्या देखरेखीखाली व्हावी. तसेच, चौकशी अहवाल सादर होईपर्यंत बिनविरोध निवडून आलेल्या उमेदवारांचा निर्णय प्रलंबित ठेवण्यात यावा, अशी मागणीही मनसेने केली आहे. लोकांचा निवडणूक प्रक्रियेवरील विश्वास कायम ठेवण्यासाठी ही न्यायालयीन लढाई आवश्यक असल्याचे मनसेने म्हटले आहे.