खासदार ओमराजे निंबाळकर आले अन् विद्यार्थ्यांनी थेट… पुण्यातील आंदोलनादरम्यान नेमकं काय घडलं?

पुण्यात MPSC विद्यार्थ्यांच्या आंदोलनाला भेट देण्यासाठी शिंदेंच्या शिवसेनेचे खासदार ओमराजे निंबाळकर दाखल झाले असता त्यांना विद्यार्थ्यांच्या तीव्र विरोधाचा सामना करावा लागला. आंदोलनस्थळी विद्यार्थ्यांकडून “परत जा, परत जा” अशा जोरदार घोषणा देण्यात आल्याचं सांगितलं जात आहे. यावेळी ओमराजे निंबाळकर यांनी विद्यार्थ्यांना शांत करण्याचा प्रयत्न केला. त्यांनी विद्यार्थ्यांच्या मागण्या मुख्यमंत्र्यांपर्यंत पोहोचवण्याचे आणि त्यासंदर्भात विनंती करण्याचे आश्वासन दिले.

निंबाळकर यांनी विद्यार्थ्यांना MPSC अध्यक्षांच्या राजीनाम्याबाबत प्रश्न विचारत चर्चेचा प्रयत्न केला, परंतु विद्यार्थ्यांकडून घोषणाबाजी सुरूच राहिली. गोंधळातच निंबाळकरांना आपले भाषण आटोपतं घ्यावे लागले. या घटनेमुळे MPSC विद्यार्थ्यांमधील तीव्र असंतोष पुन्हा एकदा समोर आला आहे.