MSRTC ST Employees Strike : एसटी कर्मचाऱ्यांच्या संपाबाबत मोठी अपडेट; मुख्यमंत्र्यांनी घेतली दखल, कुठे काय परिस्थिती?
MSRTC ST Employees Strike : राज्यभरातील एसटी कर्मचारी संपावर असल्याने लालपरीची चाकं थांबली आहे. संपाची हाक दिल्याने बसेस या आगारातच उभ्या आहेत. मुंबई, कल्याण, पुणे, नाशिक, नागपूर, अहमदनगर, गुहागर, छत्रपती संभाजीनगर या बस स्थानकात काय परिस्थिती आहे, बघा व्हिडीओ....
एसटी कर्मचाऱ्यांच्या संपाबाबत मोठी अपडेट समोर येत आहे. मुख्यमंत्री एकनाथ शिंदे यांनी एसटी कर्मचाऱ्यांच्या संपाची दखल घेतली असून मुख्यमंत्री एकनाथ शिंदे उद्या संध्याकाळी सात वाजता बैठक घेणार आहे. कामगार संघटनांच्या कृती समितीची एकनाथ शिंदे यांच्या सह्याद्री अतिथीगृहावर उद्या बैठक होणार आहे. तर दुसरीकडे सणासुदीच्या काळात एसटी प्रवाशांची कोणतीही गैरसोय होईल, अशी कृती करू नये, असे आवाहन महाराष्ट्र राज्य परिवहन महामंडळाकडून करण्यात येत आहे. ऐन गणेशोत्सवात एसटी कर्मचाऱ्यांकडून संपाची हाक देण्यात आल्याने राज्यभरातील चाकरमान्यांसह एसटी प्रवाशांचे मोठे हाल होताना दिसताय. तर राज्य शासनाच्या कर्मचाऱ्यांप्रमाणे एसटी महामंडळातील कामगारांना वेतन द्यावे, या प्रमुख मागणीसह आर्थिक बाबी, खासगीकरण अशा विविध मागण्या विधानसभेची आचारसंहिता लागण्याआधी मान्य करा, असा इशारा देत राज्यभरातील कर्मचाऱ्यांनी आंदोलनाचं हत्यार उपसलं आहे. दरम्यान, राज्यभरातील एसटी कर्मचारी संपावर असल्याने लालपरीची चाकं थांबली आहे. संपाची हाक दिल्याने बसेस या आगारातच उभ्या आहेत. मुंबई, कल्याण, पुणे, नाशिक, नागपूर, अहमदनगर, गुहागर, छत्रपती संभाजीनगर या बस स्थानकात काय परिस्थिती आहे, बघा व्हिडीओ….
