Mumbai Monorail : तुम्ही मोनो रेलने प्रवास करताय? 20 तारखेपासून मोनोला तात्पुरती स्थगिती, किती महिने राहणार बंद?

मुंबईतील मोनोरेल सेवा २० तारखेपासून तात्पुरती बंद करण्यात येत आहे. एमएमआरडीएने याबाबतची मोठी घोषणा केली आहे. जुन्या, अनेकदा बिघडणाऱ्या मोनोरेलच्या जागी नवीन, अत्याधुनिक मोनोरेल आणण्यासाठी ही कारवाई करण्यात आली आहे. नवीन मोनोरेल पूर्णपणे भारतीय बनावटीची असून, त्यात ३६०-डिग्री सीसीटीव्ही कॅमेरे, ब्लॅक बॉक्स सिस्टम, चार्जिंग पॉईंट्स आणि वायफाय सुविधा उपलब्ध असतील. नवीन मोनोरेलमध्ये प्रवाशांची क्षमताही वाढवण्यात आली आहे. मात्र, नवीन मोनोरेल कधी सुरू होईल याबाबत अद्याप एमएमआरडीएने कोणतीही स्पष्टता दिली नाही.