‘नाना पटोले भाजपाचे प्रवक्ते…’, केंद्रीय मंत्र्यांनी संस्कृतीची आठवण करून दिली

भिवंडी : 2 ऑक्टोबर 2023 | कॉंग्रेस प्रदेशाध्यक्ष नाना पटोले यांनी दोन दिवसांपूर्वी कपिल पाटील हे नावापुरते राज्यमंत्री असल्याची टीका केली होती. त्यावर प्रत्युत्तर देताना केंद्रीय पंचायत राज राज्यमंत्री कपिल पाटील यांनी नाना पटोले यांना चांगलाच टोला लगावलाय. काँग्रेस काळात मनमोहन सिंग यांनी घेतलेले निर्णय राहुल गांधी फाडायचे. ही काँग्रेसची संस्कृती आहे. भाजपची तशी संस्कृती नाही. मंत्रिपदाची शपथ घेतल्यानंतर अवघ्या तीन दिवसात मंत्री परिषदेच्या पहिल्या बैठकीत प्रधानमंत्री नरेंद्र मोदी यांनी राज्यमंत्र्यांना काम वाटून द्या. त्यांच्या कार्यालयाकडून फाईल्स आल्या पाहिजेत अशा सूचना कॅबिनेट मंत्री यांना दिल्या. प्रधानमंत्री पीएमओमधून देशाचा कारभार चालवतात. देशाचा कारभार उत्तम चालववात म्हणून ते विश्वाचे नेते झाले आहेत. नाना पटोले भाजपाचे प्रवक्ते आहेत का? त्यांना वास्तविकता काय माहिती? काँग्रेसच्या संस्कृतीमध्ये जे चालतं ते भाजपामध्ये चालत नाही असा पलटवारही त्यांनी केला.