पवार-अदानींच्या भेटीवर नाना पटोले म्हणतात, “अदानी पवारांच्या घरी राहायला…”

मुंबई : राष्ट्रवादी काँग्रेचे अध्यक्ष शरद पवार यांची उद्योग पती गौतम अदानी यांनी भेट घेतली. या भेटीवरून अनेक तर्क-वितर्क काढले जात आहेत. या भेटीवरून काँग्रेस प्रदेशाध्यक्ष नाना पटोले यांनी प्रतिक्रिया दिली आहे. “या भेटीशी आमचं काही घेणंदेणं नाही. लोकांचे प्रश्न हे आमच्यासाठी महत्वाचं आहे.शरद पवार यांचा पक्ष वेगळा आहे. अदानी त्यांच्या घरी राहायला गेले तरी आमचा प्रश्न काय आहे? व्यक्तीगत अदानी आणि आमचा काही वाद नाही. देशाची मालमत्ता विकण्याच काम होत आहे त्यासाठी आम्ही प्रश्न विचारत राहणार आहोत”, असे नाना पटोले म्हणाले.