Narayan Rane : आता थांबायला पाहिजे, दोन्ही चिरंजीव… नारायण राणे यांची सक्रिय राजकारणातून निवृत्ती? जाहीरपणे म्हणाले…

केंद्रीय मंत्री नारायण राणे यांनी सक्रिय राजकारणातून निवृत्तीचे संकेत दिले आहेत, ज्यामुळे महाराष्ट्राच्या राजकारणात चर्चांना उधाण आले आहे. राणे यांनी म्हटले आहे की, “आता दोन्ही चिरंजीव काम करतायत, आता थांबायला पाहिजे.” आपले वय आणि शारीरिक मर्यादांचा उल्लेख करत त्यांनी राजकारण सोडून व्यवसायावर लक्ष केंद्रित करण्याची इच्छा व्यक्त केली. नारायण राणे यांनी भारतीय जनता पक्षाचे अध्यक्ष जे.पी. नड्डा यांची भेट घेऊन त्यांना राजकारणातून मुक्त करण्याची विनंती केली होती.

राणे यांनी नड्डा यांच्याकडे राज्यसभा किंवा लोकसभा नको असून त्यांना आपला व्यवसाय करायचा असल्याचे स्पष्ट सांगितले. मात्र, नड्डा यांनी त्यांची ही विनंती मान्य केली नाही. नड्डांनी राणेंना “राणेजी, हम आपको छोडनेवाला नही है” असे म्हणत राजकारणात सक्रिय राहण्याची विनंती केली. राणे यांनी आपल्या दोन्ही मुलांच्या राजकारणातील सक्रियतेचा आणि कौटुंबिक व्यवसायाचा संदर्भ दिला तरी, भाजप नेतृत्वाला त्यांना राजकारण सोडण्यास इच्छुक नसल्याचे दिसून आले आहे.