Sushant Singh Rajput Case: सुशांतचा खून होतानाचं शूटिंग नोकराने केलं? नारायण राणे यांचा मोठा दावा

दिवंगत अभिनेता सुशांतसिंग राजपूतची हत्या होताना त्याच्या नोकराने मोबाईलमध्ये शूटिंग केलं होतं, असा दावा नारायण राणे यांनी केला आहे. वेळ आल्यावर यांच्याकडचे पुरावे पोलिसांना देऊ असंही राणे यांनी यावेळी म्हंटलं आहे. अभिनेता सुशांत सिंग राजपूत याच्या मृत्यूवरून नारायण राणे यांनी हा मोठा दावा केला आहे. यावेळी बोलताना राणे म्हणाले की, सुशांतचा खून हा त्याच्या नोकरा समोर झाला आहे. मग पोलिसांनी त्या नोकराचा जबाब का नाही नोंदवला? मूळचा सिंदूदुर्गचा असलेला हा सुशांतचा नोकर सध्या खेरवाडीमध्ये राहतो. या नोकराने त्याच्या मोबाईलमध्ये सर्व घटना कैद केलेली आहे, असा दावा नारायण राणे यांनी केला आहे.