Rupali Patil Thombare : आयरे गैरे नथू खैरे नटरंगी लोकांनी… रूपाली ठोंबरेंकडून बाळासाहेब अन् पवारांसोबत फोटो शेअर, महाराष्ट्रात चर्चांना उधाण

अजित पवार यांच्या राष्ट्रवादी काँग्रेस पक्षाच्या नेत्या रुपाली पाटील ठोंबरे यांनी केलेली एक फेसबुक पोस्ट सध्या जोरदार चर्चेत आहे. रुपाली ठोंबरे यांनी बाळासाहेब ठाकरे आणि शरद पवार यांचा एकत्र असलेला एक फोटो आपल्या सोशल मीडिया खात्यावर पोस्ट केला असून, त्यासोबत “आयरे गैरे नथू खैरे नटरंगी लोकांनी शिकवूच नये साम दाम दंड भेद” अशी सूचक टिप्पणी केली आहे. रुपाली पाटील ठोंबरे गेल्या अनेक दिवसांपासून पक्षात नाराज असल्याची चर्चा होती आणि या पोस्टमुळे या चर्चांना अधिक बळ मिळाले आहे. एका कार्यकर्त्याच्या म्हणण्यानुसार, रुपाली पाटील ठोंबरे जो काही निर्णय घेतील, त्याला त्यांचा पूर्ण पाठिंबा असेल कारण त्यांनी एकत्र काम केले आहे आणि कार्यकर्ते समाजासाठी काम करतात.