Rupali Thombare Patil : 7 दिवसांच्या आत खुलासा केला, नोटीस का पाठवली, माहिती नाही.. रुपाली ठोंबरे पाटील स्पष्टच म्हणाल्या…

राष्ट्रवादी काँग्रेस पक्षाच्या नेत्या रुपाली ठोंबरे पाटील यांनी त्यांच्या वक्तव्यांवरून सुरू असलेल्या चर्चेला पूर्णविराम दिला आहे. मी कुठेही वाईट वक्तव्य केले नाही, पक्षाकडे खुलासा केला असे त्यांनी म्हटले आहे. फलटण येथे घडलेल्या डॉ. संपदा मुंडे आत्महत्या प्रकरणी राज्य महिला आयोगाने केलेल्या वक्तव्यामुळे महाराष्ट्रातील जनतेमध्ये असंतोषाचे वातावरण निर्माण झाले होते. या संदर्भात, रुपाली ठोंबरे पाटील यांनी बीडला जाऊन पीडितेच्या कुटुंबाशी भेट घेतली. त्यानंतर त्यांनी पक्षाचे राष्ट्रीय अध्यक्ष अजित पवार यांच्याशी संवाद साधला.

अजित पवार यांनी आयोगाच्या मताशी असहमत असल्याचे मत मांडले होते. पक्षाची प्रवक्ते असल्यामुळे, राष्ट्रीय अध्यक्षांचा आदेश आणि त्यांच्या सूचना लोकांपर्यंत पोहोचवणे हे आपले प्रथम कर्तव्य होते, असे रुपाली ठोंबरे पाटील यांनी स्पष्ट केले. त्यामुळे आपले वक्तव्य हे पक्षाच्या भूमिकेशी सुसंगत होते, असे त्यांनी सांगितले. प्रवक्ते पदावरून काढल्याची कल्पना अजित पवारांना नव्हती, अशी माहितीही त्यांनी दिली.