Mumbai | नेस्को ड्रग्ज प्रकरणात मोठा ट्विस्ट! 13 एप्रिलला अटक, आता आरोपींना हायकोर्टाकडून जामीन

मुंबईतील गाजलेल्या नेस्को ड्रग्ज प्रकरणातील दोन आरोपींना मुंबई उच्च न्यायालयाकडून मोठा दिलासा मिळाला आहे. उच्च न्यायालयाने या दोन्ही आरोपींना जामीन मंजूर केला असून प्रत्येकी एक लाख रुपयांच्या जातमुचलक्यावर त्यांची सुटका करण्याचे आदेश दिले आहेत.

मिळालेल्या माहितीनुसार, नेस्को ड्रग्ज प्रकरणात संबंधित आरोपींना 13 एप्रिल रोजी अटक करण्यात आली होती. अटकेनंतर दोघेही न्यायालयीन कोठडीत होते. त्यानंतर त्यांनी जामिनासाठी उच्च न्यायालयात अर्ज दाखल केला होता.

या अर्जावर सुनावणी झाल्यानंतर मुंबई उच्च न्यायालयाने दोन्ही आरोपींना दिलासा देत जामीन मंजूर केला. न्यायालयाने काही अटींसह प्रत्येकी एक लाख रुपयांच्या जातमुचलक्यावर जामीन मंजूर केल्याची माहिती समोर आली आहे.

दरम्यान, या प्रकरणाचा तपास संबंधित यंत्रणांकडून सुरू असून, ड्रग्ज रॅकेटशी संबंधित इतर बाबींचाही तपास केला जात आहे. उच्च न्यायालयाच्या या निर्णयामुळे नेस्को ड्रग्ज प्रकरण पुन्हा चर्चेत आले आहे.