नाशिक TCS धर्मांतरण प्रकरण, निदा खानला आणखी एक धक्का, नवऱ्याने उचललं मोठं पाऊल

नाशिकमधील बहुचर्चित TCS धर्मांतरण आणि लैंगिक शोषण प्रकरणात एक महत्त्वाची आणि धक्कादायक माहिती समोर आली आहे. या प्रकरणातील प्रमुख आरोपी निदा खान हिला आणखी एक मोठा धक्का बसला आहे. निदा खानच्या पतीने कौटुंबिक न्यायालयात घटस्फोटासाठी याचिका दाखल केली आहे. या नव्या घडामोडीमुळे या प्रकरणाला वेगळे वळण लागले आहे.कौटुंबिक न्यायालयाने निदा खानला येत्या 16 ऑक्टोबर रोजी न्यायालयात हजर राहण्याचे समन्स बजावले आहे. पतीकडून घटस्फोटाची याचिका दाखल होणे, हा निदा खानसाठी तिच्यावरील आरोपांच्या पार्श्वभूमीवर एक मोठा कायदेशीर आणि वैयक्तिक पेच निर्माण करणारा प्रसंग आहे.

नाशिकमधील TCS धर्मांतरण आणि लैंगिक शोषण प्रकरणात निदा खान ही मुख्य आरोपी असून, तिच्यावर अनेक गंभीर आरोप आहेत. आता तिच्या पतीच्या घटस्फोटाच्या मागणीमुळे तिचे कायदेशीर आणि सामाजिक आव्हान आणखी वाढले आहे. या प्रकरणावर न्यायालयीन कार्यवाही सुरू असतानाच ही नवीन बाब समोर आली आहे, ज्यामुळे भविष्यात या प्रकरणाची दिशा कशी असेल, याकडे सर्वांचे लक्ष लागले आहे.