Nitesh Rane : गड-किल्ल्यांवरील हिरवी चादर स्वतःच गुंडाळा, अन्यथा… नितेश राणे यांचा अतिक्रमण करणाऱ्यांना इशारा

गडकिल्ल्यांवरील अतिक्रमणे हटवण्यासाठी राज्य मंत्रिमंडळाच्या बैठकीत एक महत्त्वपूर्ण निर्णय घेण्यात आला आहे. यासाठी एका उच्चस्तरीय समितीची स्थापना करण्यात आली असून, यात सांस्कृतिक मंत्री अध्यक्षस्थानी आहेत, तर महसूल मंत्री सह-अध्यक्ष आहेत. आमदार नितेश राणे यांनाही या समितीचे सदस्य म्हणून नियुक्त करण्यात आले आहे. या नियुक्तीबद्दल राणे यांनी एकनाथ शिंदे, देवेंद्र फडणवीस आणि अजित पवार यांचे आभार मानले आहेत. या समितीचे प्रमुख उद्दिष्ट गडकिल्ल्यांवर आणि महत्त्वाच्या स्थळांवर झालेल्या अनधिकृत बांधकामांना, विशेषतः हिरव्या चादरी टाकून उभारलेल्या थडग्यांना हटवणे हे आहे.

नितेश राणे यांनी या प्रकारांना जिहादी मानसिकता आणि छत्रपती शिवरायांचा इतिहास पुसण्याचे काम म्हटले आहे. राणे म्हणाले की, या अतिक्रमणांमुळे अनेकदा हत्यारे आणि देशाविरोधी घटकांचा संबंध समोर आला आहे. त्यांनी अतिक्रमणे करणाऱ्यांना त्वरित हिरव्या चादरी गुंडाळून घेऊन जाण्याचा इशारा दिला. अन्यथा, प्रशासन कोणतीही तडजोड न करता बुलडोझरने कारवाई करेल, असे त्यांनी स्पष्ट केले. मुंबईच्या हिंदुत्ववादी ओळखीवरही त्यांनी भाष्य केले.