Pahalgam : …तर 15 एप्रिललाच पहलगामवर झाला असता हल्ला, फेब्रुवारीपासून सुरू होता प्लान, पण… खळबळजनक माहिती समोर

पहलगाम हल्ल्याच्या संपूर्ण कटाची माहिती असणारं टुलकिट आढळलं असल्याची माहिती काल समोर आली होती. तर पहलगाम हल्ल्यासंदर्भात सापडलेल्या टुलकिटची एनआयकडून चौकशीही करण्यात आली. या टुलकिटमध्ये प्रवासाचा मार्ग आणि राहण्याच्या ठिकाणी माहिती होती. इतकंच नाहीतर सुरक्षा एजन्सींपासून कसा बचाव करावा, याची देखील रणनिती या टुलकिटमध्ये असल्याचे समोर आले होते. यानंतर आता आणखी एक माहिती सूत्रांच्या हवाल्याने समोर आली आहे. पहलगाम हल्ल्यासाठी दहशतवाद्यांच्या फेब्रुवारीपासून बैठका सुरू होत्या, असे सूत्रांनी सांगितले. सूत्रांकडून समोर आलेल्या माहितीनुसार, दहशतवादी आणि हमासच्या फेब्रुवारी, मार्च आणि एप्रिलमध्ये बैठका झाल्यात. १५ एप्रिलरोजी दहशतवाद्यांकडून तीन ठिकाणी झडती घेण्यात आली होती. पण पोलीस ठाणेजवळ असल्यानं दहशतवाद्यांकडून आधीचा प्लॅन रद्द करण्यात आल्याची माहिती सूत्रांनी दिली.