Pahalgam Terror Attack : दुर्गम भाग, कोणतीही सुरक्षा व्यवस्था नाही; हल्ला झाला त्या बैसरन खोऱ्यातून टीव्ही9 चा ग्राउंड रिपोर्ट

जम्मू काश्मीरच्या पहलगाममध्ये मंगळवारी दुपारी अतिरेक्यांनी पर्यटकांवर हल्ला केला. यावेळी कोणत्या धर्माचे आहात? असा प्रश्न विचारत पर्यटकांना गोळ्या घालण्यात आल्या. या हादरवून टाकणाऱ्या घटनेत 26 पर्यटकांना आपला जीव गमवावा लागला आहे. पहलगामच्या बैसरन खोऱ्यात ही घटना घडली. या खोऱ्यात जाण्याचा रास्ता हा अत्यंत खडतर आहे. घोडेस्वारांना या ठिकाणी आता येण्यास बंदी केलेली असल्याने हा संपूर्ण प्रवास पायी करावा लागतो. ही दरी खूप खोल असल्याने हल्ला झाला त्यावेळी देखील जखमींना आणि मृतांना तेथून वर आणण्यासाठी स्थानिकांना अडचणीचे झाले होते. हा हल्ला ज्या ठिकाणी झाला त्या ठिकाणची सध्याची परिस्थिती काय आहे याचा आढावा घेण्यासाठी टीव्ही 9 मराठीचे प्रतिनिधी या खोऱ्यात पोहोचले आहेत.