Gauri Garje Death Case: त्यांचा आडमुठेपणा.. पोरगी मारली अन् म्हणताय प्रेत…गौरी गर्जेंच्या नातेवाईकांच्या नव्या आरोपांनी खळबळ!

गौरी गर्जे हत्या प्रकरणात कुटुंबीयांनी तीव्र संताप व्यक्त करत न्याय आणि कठोर कारवाईची मागणी केली आहे. घडलेल्या घटनेवर गौरी गर्जे हिच्या मामा-मामींनी दिलेल्या माहितीनुसार, गावातील काही लोकांकडून मृतदेहाबाबत आडमुठेपणाची भूमिका घेण्यात आली होती, त्यांनी मृतदेह बाजूला घेऊन जाण्यास सांगितले पण मदत करण्यास नकार दिला. कुटुंबीयांचा आरोप आहे की, अनंत गर्जेने गौरीची हत्या केली असून, पोलीस प्रशासनाने त्याला त्वरित अटक करणे आवश्यक आहे.

कुटुंबीयांनी दिलेल्या माहितीनुसार, गौरी ड्यूटीवरून पहाटे एक वाजता घरी परतली. त्यानंतर पहाटे एक ते सहाच्या दरम्यान तिच्यासोबत काहीतरी घडले. या घटनेबद्दल त्यांना कोणतीही कल्पना नाही. फोन बंद असल्यामुळे नेमके काय झाले, हे कळू शकले नाही. यापूर्वी गौरीने आपल्याला त्रास दिला जात असल्याचे सांगितले होते, मात्र याची गांभीर्याने दखल घेतली गेली नाही. कुटुंबीयांनी पंकजा मुंडेंना पोलीस प्रशासनाला या प्रकरणी कडक कारवाईचे निर्देश देण्याची विनंती केली आहे, जेणेकरून आरोपींना कठोर शिक्षा होईल.