आई प्रचारसभेत सांगायची, मुंडेसाहेबांचं चिन्ह कमळ अन् ही आमची पंकजा, भाजपसोबतचं नातं असं सांगितलं पंकजांनी!

बीडः भाजप नेत्या पंकजा मुंडे (Pankaja Munde) यांनी आपल्या घराण्यात आणि आपल्या व्यक्तीमत्त्वाशी भाजपचे नाते किती जुने आहे, याबद्दल भावना व्यक्त केल्या. बीडमधील एका कार्यक्रमात त्या बोलत होत्या. भाजपचे दिवंगत नेते गोपीनाथ मुंडे (Gopinath Munde) यांची ज्येष्ठ कन्या पंकजा मुंडे यांनी भाजप (BJP) आणि कमळाशी त्यांचे नाते किती जवळचे आहे, याबद्दल आज प्रतिक्रिया व्यक्त केली. त्या म्हणाल्या, मी नऊ महिन्यांची होते, तेव्हापासून मुंडेसाहेब प्रचारावेळी मला सोबत घेऊन जायचे. तेव्हा माझी आई मला कडेवर घेऊन जायची, अशा आठवणी पंकजा मुंडे यांनी कार्यक्रमात बोलताना जागवल्या.