Phaltan Doctor Death : महिला डॉक्टर आत्महत्या प्रकरणात मोठी अपडेट, प्रशांत बनकरला बेड्या तर फरार PSI बदनेला कधी अटक?

सातारा जिल्ह्यातील फलटण येथे घडलेल्या महिला डॉक्टर आत्महत्या प्रकरणात एक महत्त्वाची घडामोड समोर आली आहे. या प्रकरणात मुख्य आरोपी प्रशांत बनकर याला पोलिसांनी अखेर अटक केली आहे. मृत डॉक्टरने आपल्या सुसाईड नोटमध्ये प्रशांत बनकरने मानसिक आणि शारीरिक छळ केल्याचे नमूद केले होते. या माहितीच्या आधारे पोलिसांनी तपास सुरू केला होता.

पोलिसांनी दिलेल्या माहितीनुसार, प्रशांत बनकरला फलटण येथील निंबोरे गावातून रात्री उशिरा ताब्यात घेण्यात आले. आत्महत्येच्या २४ तासांच्या आतच ही अटक करण्यात आली आहे. मात्र, या प्रकरणातील दुसरा आरोपी, पीएसआय गोपाल बदने, अजूनही फरार आहे. पोलीस पथके त्याचा कसून शोध घेत आहेत. फलटण शहर पोलीस ठाण्यातून मिळालेल्या माहितीनुसार, फरार आरोपी बदनेलाही लवकरच अटक केली जाईल अशी अपेक्षा आहे. या घटनेमुळे फलटण परिसरात खळबळ उडाली असून, पोलीस पुढील तपास करत आहेत.